MHWA Carol Report
Posted on | December 21, 2009 | 1 Comment
-Stephan C. Hmar
MHWA in fund a nei rawn lem thei dan ding ngaituona leiin December 19 khan
MHWA carol huoihawt a nih. Carol dang neka damglam dinga rawt a ni leiin mi fiela um hai khawm talent nei tak tak vawng an nih. Hlasak thiem, innui mawi, hawiher mawi le an present hrim hrim khawma boruok thleng thei khawpa talent neihai an nih.
Kum dang carol kut daw (Kut daw ti el ka tih, asanchu sum zawng ei ni tlat hlak leiin) chu a khaw phekin ei fang el hlaka. Tuta tuma carol chu, a sum el ni lovin a awlsam lem dan, sawl naw dan ding deu ngaituoa rawt a ni a. Mumbai condition hre zinga rawt a ni ang hrimin, beisai neka nasain a hlawtling. Invak kuol rak rak tul lovin Goregoan a chenghai mi tlawmte kan an ni a. An ni an’thawkin pawisa tamtak, welfare fund ding dawl dawk a ni el chau ni lovin, a neka ropui lem inthuruolna le hlimna nasatak an tlun a nih.
Hi carola hin, in li kan a ni a. A in hmasa taka hai chu, kan hma a inthawkin silai kau sa ang elin an lo inring a. Inring le inring intawk zet chu, a hril ngaina a um nawh— music le hlasak vawr tawp a ni tawp. Vai ringnawtu ti lo chun, Lal pieng champha thu hei sak khum zet chu an insawi ve hlap hlap. Hla dang an la hang request sa nawk nghal. Pathien rawngbawl dan hi a chi a lo tamzie nasatain mi an hrietsuoktir. In thum sira umhai hi, vai hnam dang vawng an ni a. Vai danghai nekin an in phal a sum khawm tamtak an pek a nih. Insung pui pa nek hmanin, an nauha’n hlaksak rawlri an lawm a, zawng hmaa mawt thlar deng lut ang el in, rawlri hrietnaw inlauin an chi in ai zak el a ni. Thaw nawk chi a ni hmel de aw! ti chu a thang po hai ngai dan a nih.
A tawp na taka sir, Pu Darzakhum Songate-in lem chu hlimna a nasa zuol. Mi tlung kim hman, hlabu a pheta Kristmas hla a sak tan nghal. An nu leh hlim taka, kalvari tieng awn a hla an hei sak chu carol member hai a suk phur zuol a, phurna le thahnemngaina lung det nawj zuolin an phum a nih. An phur el ni lovin, dinner an la hei treat sa nawk deu deu. Lawm a um ti el naw chu welfare member ha’n hril thei dang an nei naw a nih.
Chung Pathien thuoina zar lieu lieuva hieng chen chen program nei theia Welfare a hei um el hi, Welfare Committee chun a lawm tak zet a. Inthuruola kalchawina hi, inchat le inchai lova tungding ngat ngat dingin Committee chun member tin an fui nasa zuol pha a nih.
Comments
One Response to “MHWA Carol Report”
Leave a Reply
Sinlung- Pillai’s Manipur Visit To Push Kuki Militants to Negotiation March 10, 2010
- Hmar.in
- Tax evasion thrives in Ccpur March 11, 2010
- Inpui
- Let's Tickle-1 March 7, 2010
- Hmasawnnathar
- 11 March, 2010Download Hmasawnna Thar Vol-25/132, March 11, 2010 […]
- 11 March, 2010
MH Shoutbox
NameWebsiteMessage
HLA
-
Sponsored Links
December 22nd, 2009 @ 11:41 am
Pu Ste report ziek hi a tiem an hoi khop el. Carol a thang hai kha chu inhnar in um tawl ngawt el. MHWA hai ka lawmpui takzet cheu. Nasa nawk zuol a hma in hung lak ka beisei a, Hnam hmasawnna ding a ban pawimawtak pakhat inni ti hi in hriet zing ka nuom.
(Report comment)