CHANCHINTHA THILTHAWTHEINA (MUMBAITUISUNSUO CENTENARY ISSUE)
Posted on | February 8, 2010 | No Comments
Pastor Lalsiesang Zote, UBS -Pune
Chanchin?ha chu kan zapui si nawh, a ringtu taphawthai sandamna dinga Pathien thilthawtheina a ni si a. Rome 1:16. Pathien thu ei zuk suklang hi Tirko Paul’n AD 58 vela khawvela ram ropui le hmingthang Rome khuoa cheng, Isu Krista ringna lei a Pathien hmabula thiemchang le hringnathar nei hai ta dinga a ziek a nih. Vawisun chen khawm hin Krista Isu zara hringna thar changa, Pathien hmaa thiem chang hai le vankhuphnuoia mi hai popo ta dinga tiem tlak le suong thlak a la ni zing ring a um. A bikin Hmar hai ta dingin lawmtlak le suong tlak a ni hlie hlie. Lawm a phua, a lawmna dinga theitawpa insingsat khawm a awm hrim a nih.
Tirko Paul’n hi Chanchin?ha hi a hriet chieng em ema, a ma nun ngei khawm a tleng danglam ani leiin, mi dang hai nun khawm a tlengdanglam thei ti a hriet chieng a. Chuleiin Chanchin?ha chu ân zapui naw anih. Anleh Chanchin?ha chu iem a na.? Chanchin?ha thilthawthei zie hrietchieng ding chun hriet chieng hmasa ?ul a um. Biblein, “Fak lo ding ka ti che thei ra chu I fak leiin, nangma (Adam) leiin hnuoi hi ?awngsiephurin a um tah a nih” – Gen 3:17. Chuleiin, mi pakhat (Adam) leiin khawvelah suol a luta, suol leiin thina le ?awngse chu mi po po chunga a um ta a nih – Rome 5:12. Mihriem, Pathienin a ma angpuia a siem chun a thupek an lo bawsiet ta leiin, bawsietna leiin mi po po chunga thina’n ro a rela. Thina chau niloin ?awngsephur a lo ni ta a nih. Hi taka thina le ?awngse hi mihrienin a suksuol leikhawm nilo thlatu bawsietna leia um a nih. David in hieng hin a lo hril a nih, “Ka nu sunga ka’n sieng laiin Suol sa hrima vawn ka nia, ngai ta, suol sa a pieng ka nih.” – Psalm, 51:5. Mihriem chuh a hung pieng hlim khawma suola inthawka hung pieng a na, chu umzie chu suol a thaw leia misuol niloin, suola inthawka pieng a ni leia misuol a ni, ti na a nih. Ieng angin thil?ra thawin ins?min, a theina popo in thil ?ha thaw sienkhawm, Pathien leh an in remthei chuong naw anih. Mihriem ngirhmun chu beisei ding hrim umlo a nih, Tirko Paula bawk in hi lai ngirhmun hi a hriet chienga: Mi rimsi ka va ni ngei! Hi thina taksaa ?awngse a inthawk hin tu in am mi sansuok a ta? tiin beidawngtakin a lo khek suok hrim a nih. Hi thina dana inthawkhin mihriem ?hatna le felnain a sansuok theinawa, sansuok nekin, ?hat a tum po leh a suol zie an lang nawk zuol deu deu lem.
Thawthei iengkhawm ei nei naw lai khan, Pathien chun a mi hmangei em leiin, Adam bawsietna leia chatuon thina le ?awngsephurna a inthawka mi sansuoka, hringnathar, chatuon hringna mi pea, ?awngse ai a malsawmna, taksa le thlaraua ei nei nawk theina dingin, a nau pakhat neisun Krista Isu Pathien chuh mihriema hung insiengin, mihriem aia ?awngsephurin, krossa a thina le a thonawkna ringtu taphawt hai ta dinga malsawmna hnar a hung ni ta a nih. Chuleichuh anih, Pathien Isu Krista mihriema a hung piengnia, vana vantirko haiin, ?awngsephur hnuoi mihriem hai kuomah; Chanchin?ha lawmum bek bek kan hung intlun cheu tia van zai an hung rem kha. Krista Isu ngei chun Adam bawsietna lei a ?awngsephurna le thina-tur chuh Kross a chun a thipuia, Krista ringtu taphawtin hringnathar neia thlarau le taksa a malsawmna an changnawk nadingin. Krista chun ei ta dingin ?awngsie chu phurin Dan ?awngsie a inthawk chun a mi san suok tah a, – Gal,3:13. Tu dang kuoma khawm sandamna a um nawh; vankhup hnuoia mihriem hming sak lai mi sandam thei hming dang hrim hrim a um nawh, Krista Isu hming chau naw chuh, – Act,4:12. Hmangeina lei chaua mi Sandamtu Krista Isu chanchin chuh a nih CHANCHIN?HA. Ei pi le pu hai khawm khan, an bauin hrilnaw hai sien khawm, an khawsak dan le inthawi danin, suola pieng an ni zie le thi hnunga mihriem thlarau chu a bo el naw a ni ti hrein, siemtu Pathien/Khuonu chu bie lungawi tumin an lo inthawi hlak. Amiruok chu, chuong inthawina hai chun siemtu suklungawi chu hrillo, an ni nun ngeia khawm danglamna a siem thei si nawha. Chuonga ?awngse hnuoia ei um zing laiin, kum za tamtak liem tahnunga, vantirko haiin beram vengtu hai kuoma an hung hril Chanchin?ha lawm um bek bek chun, kum 1910 khan, Pu Saptlangval hmangin senvawn khuoa Hmar hai chun anlo hriet ve ta a nih. Hril dan chun, Hmar haiin Chanchin?ha an hriet hmasatak chu; Chanchin?ha Johan 3:16 “Pathienin khawvel a hmangei em leiin a Naupakhat nei sun (Isu Krista) chu a pek a, ama (Isu Krista) ring taphawt chu bohmangloa chatuon hringna an nei lemna dingin”, ti thu hi a nih an tih. Hi Chanchin?ha mawl tak hin kum za tamtak liem taa, Juda pachal dân hrietna le thiemna suongum em em Saula khawm a lo thlenga, a nun le a hringna chau niloin a hming chen thlengin Paula ti a hung puta, Pathien suk lawm tuma, ?hahnemngai taka a suk nawmnat hlak Isu Krista ringtu (Kohran) hai chawmtu le enkawltu ringum tak a hung ni ti lem a nih. Chuleiin, Paula hin Chanchin?ha hi an zapui nawa, a san chu a ringtu taphawt hai ta dinga sandamna dinga Pathien thilthawtheina a ni ti, a hriet leiin. Anleh, Chanchin?ha mawl em em hieng lawm lawma thilthawthei hi, iem a san ning a ta? Chanchin reng reng a thilthawtheina chu a ziek dan le a ?awng ropuina nekin khawlaia inthawka hung suok am a na, a hung suokna khan thila thawthei ding le ding naw ah an nghat a nih. Chanchin?ha ei dawng vawisuna ei lawm hi, Hnuoi le van le a sunga um po po siemtu, Pathien ropui le thilthawthei, A thu ri ngawt khawma hnuoi le van le a sunga thil um hai siemtu , thienghlim le tlaksam reng neilo a inthawka hung suok. Ei ni mihriem haiin ei dawng theina dinga Pathien nizing sienkhawm mihriema hung insiengin, Isu Krista’n thichila mi hung hawn pek an leiin THILTHAWTHEI a nih. Chuleiin, Chanchin?ha hi chatuon hringna, ?awngse a inthawka sandamna le hi damsung ngei khawma malsawmna mi pe thei thilthawthei a nih. Chanchin?ha mawltak nisienkhawm Pathiena inthawka hung thilthawthei ani leiin, ei thlarau ringhmun a mi tleng peka, ei nia ei pei theilo thina le ?awngsephur nun chu mi lahmang pekin chatuon hringna le thlarau le taksaa malsawmna nun chu a mi pek ta lem a nih, Lalpa chu inpakin um raw se. “Thim hnuoia inthung Hmar nau hai chun Var ropui tak (Isu Chanchin?ha) an hmu ta a: Thina hlim rama chenghai chungah, Var a hung eng suok tah”,tia a lo hril kha a hung tlung kim ta a nih, Mathai,4:16. Chanchin?ha varin ei ram a hung eng suok phing chun, inthawina chu thingbul, lungbul hai hmaa inthawi ta loin, siemtu iengkim thawthei kuoma ngei chun, Krista Isu inthawina hring chu ringin ABBA PA tiin ei khek suok ta nih, Lalpa chu inpakin um raw seh. Chu Chanchin?ha zara chun vankhuo le tui nina chau niloin, khawvel a ngei khawm hin malsawmna tamtak dawngin, khawpuia hai umin, mi inthuom dan hai anga inthuomin, khawvel intlansiekna a ei thlan thei ve an ta hi. Chanchin?ha hi Pathien thilthawtheina chau niloin Pathien hausakna le a rohlu tak khawm a nih. Chu chu Krista Isu zarin ei lo chang ve an tah, Tirko Paul’n hieng hin a hril: Ei Lalpa Isu Krista lunginsietna a hauzie chu; a retheina leia in hung hausak theina dingin, hausa hle sienkhawm nangni leiin a hung rethei tah a ni kha, 2Kor,8:9. Vawisun hin hausakna thuruk Chanchin?ha hin ei ram kum 100 a lo ch?nchil an tah chuh. Chanchin?ha hi rohlutak a nizie ei zaiputhiem, Pu Taisen in hieng hin hlan a lo siem: Eden parmawi ?uoi hnung hung suk vul nawk dingin, khawvel sandamtu A hung pieng tah; Pielral nunmawi mi hung insiltir nawk din, Lal chunghnungtakin hmun tlawmtak a hung thlang; a changli na chun;Israel han an hnawla an pei hnung kha, Van Lalreng ro pielral lunghlu ka hmu tah, tinin a lo inzawt a nih. Chanchin?ha ei hmu hi Pathien rohlu em em pielral ro lunghlu leh a lo tekhi a nih. Hieng hai po po khela a hlutna le a thilthawtheina tamtak leiin, Tirko Paul’n Chanchin?ha chu an zapuinawh a, a san chu Pathien thilthawtheina a ni ti a hriet leiin, vawisun hin Chanchin?ha thilthawtheina chun Hnam hnufuol Hmar hai lai khawm a thilthawtheina chu hmu theiin an lang a nih. Chanchin?ha in ei ram kum 100 a lo ch?nchil el ta hi hlimtaka lawm ding hrim ei nih. Chanchin?ha var thilthawtheina hin ei ram lan thim a el var theina dingin, le thlarau le taksaa hma ei sawn theina dingin, Gospel Centenary hmangtu hai po po Chanchin?ha meiser dingin ei hringnun in hlan ei tiu. Ei ramin CHANCHIN?HA MEISER rémthei talo a mamaw….
Comments
Leave a Reply
Sinlung- Pillai’s Manipur Visit To Push Kuki Militants to Negotiation March 10, 2010
- Hmar.in
- Centenary Gospel Concert March 8, 2010
- Inpui
- Let's Tickle-1 March 7, 2010
- Hmasawnnathar
- 10 March, 2010Download Hmasawnna Thar Vol-25/131, March 10, 2010 […]
- 10 March, 2010
MH Shoutbox
NameWebsiteMessage
HLA
-
Sponsored Links
